শিখা শৰ্মা FB Wall

“বাগী কুঠাৰ মৰা মানুহবোৰ”

জুবিন গাৰ্গক অসমৰ লাখ লাখ মানুহে ভাল পায়। ৰাজনীতিৰ খাতিৰত, 2026 ৰ ইলেকচন জিকিবলৈ, হঠাৎ জুবিনৰ অনুৰাগী হৈ পৰা মানুহবোৰৰ কথা মই ইয়াত কোৱা নাই। যিবোৰ মানুহে বিনা স্বাৰ্থত জুবিনৰ প্ৰতিভাক ভাল পায়, মই সেইবোৰ মানুহৰ কথাহে কৈছোঁ৷ 

মানুহ এজনক ভালপোৱা আৰু এজন মানুহৰ সীমাহীন প্ৰতিভাক ভালপোৱাৰ মাজত বিশাল পাৰ্থক্য আছে৷ মানুহ এজনক ভাল পালে তেওঁৰ প্ৰতিটো কথাকেই ভাল পোৱা যায়৷ গান গাওক বা নাগাওক, টকা পইছা দিয়ক বা নিদিয়ক, ইনকাম কৰাৰ সুবিধা দিয়ক বা নিদিয়ক, লগত ৰাখি কাম কৰাওক বা নকৰাওক, মুঠৰ ওপৰত তেওঁক ভাল পাবই৷ আনকি পেৰালাইছিচ হৈ বিচনাত পৰি থাকিলেও তেওঁক ভালপাব। গতিকে এই ভালপোৱা আৰু অনুৰাগৰ মাজত পাৰ্থক্য আছে৷ জুবিনক হয়তো পৰিয়ালৰ বাদে আন কোনো মানুহে সেই পৰ্য্যায়ত ভালপোৱা নাছিল, যাৰ বাবে ৰীতা চৌধুৰীৰ লগত হোৱা সাক্ষাতকাৰটোত জুবিনক যথেষ্ট হতাশগ্ৰস্ত যেন দেখা গৈছিল। 

জুবিনে অনুভৱ কৰিছিল যে—

 “টকা দি থাকিব পাৰিছোঁ বাবেই মোৰ আগে পিছে মানুহ ঘূৰি ফুৰিছে৷ সহায় কৰি থাকিব পাৰিছোঁ বাবেই মানুহে মোক ঘেৰি আছে৷”

এই চিৰসত্যটো জুবিনে হয়তো ভালদৰেই উপলব্ধি কৰিছিল। অসুস্থ শৰীৰেৰে গান গাই টকা ঘটিব লগাৰ বেদনা কেৱল সেইজনেহে বুজি পায়। 

জুবিন দুখীয়া নাছিল। Unisex Beauti Parlour ৰ পৰা চুপাৰমাৰ্কেটলৈকে ব্যৱসায় আছিল জুবিনৰ। 25 লাখ টকীয়া ISUZU ৰ পৰা এক কোটি টকীয়া Range Rover গাড়ীলৈকে আছিল জুবিনৰ৷ পৃথিৱীৰ বিভিন্ন দেশ ভ্ৰমণ কৰাৰ সৌভাগ্য হৈছিল জুবিনৰ। হনিমুন কৰিবলৈ যাওঁতেও 7 খন গাড়ীত 28 জন মানুহ লগত লৈ যোৱা জুবিনে কৈছিল—

“মই মৰাৰ সময়ত লগত তিনিটা মানুহ হে থাকিব৷” 

হয়, জুবিনৰ মৃত্যুৰ সময়ত জুবিনৰ লগত সাগৰৰ পানীত মাত্ৰ তিনিটা মানুহ হে আছিল। সন্দীপন গাৰ্গ, সিদ্ধাৰ্থ শৰ্মা আৰু শেখৰ গোস্বামী৷ 

জুবিনৰ আশে পাশে অনবৰতে আগুৰি থকা লাখ লাখ মানুহবোৰ, জুবিনে শেষ সময়ৰ যন্ত্ৰণাৰ মূহূৰ্তত দেখা নাছিল। জুবিন অসমৰ বুকুত অসমীয়াই আগুৰি থকা পৰিবেশত মৰিবলৈ নাপালে৷ সাগৰৰ নিমখীয়া পানীত জীৱন ঘূৰাই পাবলৈ হাঁহাকাৰ কৰি থকা জুবিনৰ শেষ সময়ত, লাখ লাখ অনুৰাগীৰ হাতৰ এটোপাল পানীও নাপালে জুবিনে৷ এইয়া কম দুখৰ কথা নহয়৷ 

আৰু এইটোৱেই সত্য৷ মানুহ স্বাৰ্থপৰ৷ স্বাৰ্থ থাকিলে মানুহ মানুহৰ আগে পিছে ঘূৰি ফুৰে৷ এক আৱেস্তনীৰ সৃষ্টি কৰে৷ সেই আৱেস্তনীত এখিনি মানুহ থাকে, সিহঁতে আনক সোমাবলৈ নিদিয়ে৷ আৰু সিহঁতৰ স্বাৰ্থবোৰ সুৰক্ষিত কৰি ৰাখিবলৈ, সিহঁতে আকৌ আন এচাম যুৱকক লগত লয়। সেই যুৱকচামে সিহঁতক উগ্ৰভাবে চাপৰ্ট কৰে৷ আৰু সেই যুৱকচামক দেখি সমাজৰ এক বুজন অংশই, একো নোপোৱাকৈয়ো সেই লবিটোক চাপৰ্ট কৰি, এক বিশাল লবীৰ সৃষ্টি কৰে৷ যাক আমি “অন্ধঅনুৰাগী” বুলি ক’ব পাৰোঁ৷ প্ৰকৃত অনুৰাগীসকল এই ল’বিটোত নাথাকে৷

এইসকল অন্ধ অনুৰাগীবোৰৰ অবিবেচিত উচতনিত, মূল মানুহজনে প্ৰায়েই নকৰিবলগীয়া কাম কৰে৷ মদ খাই মঞ্চত অশ্লীল মাত মাতে, সমাজৰ সন্মানীয়জনক গালি পাৰে, স্বজাতিক গালি পাৰে, কোনোবা সৰু ল’ৰাক গালি পাৰে৷ আৰু সেই কথাৰ সমালোচনা কৰিলেই, এই স্তাৱকবোৰে তেওঁক সুৰক্ষা দিবলৈ গৈ, আমাক অশ্লীল

গালি-গালাজ কৰি আমাৰ মুখবোৰ বন্ধ ৰখাৰ চেষ্টা কৰে৷ 

বহুত মানুহে এইবোৰ কাৰণতে মুখেৰে একো নামাতে৷ কাৰণ আনৰ ভালৰ বাবে মাত মাতি,অন্ধঅনুৰাগীৰ অশ্লীল গালি খাব সকলোৱে নিবিচাৰে৷ 

(মোৰ কথাতো বেলেগ৷ মই গালি খাই ভাল পাওঁ৷ গালি মোৰ প্ৰিয় খাদ্য৷ গালি খালেহে মই শক্তি পাওঁ৷ গালিবোৰ মোৰ ভিটামিন)

জুবিনৰ মৃত্যুৰ দিনালৈকে তেওঁৰ কোনো বন্ধু বান্ধৱ, সংগীত কৰ্মী, অভিনেতা-অভিনেত্ৰী, গায়ক-গায়িকা, গীতিকাৰ, সুৰকাৰ, বাদ্যযন্ত্ৰীয়ে সিদ্ধাৰ্থৰ বিৰুদ্ধে এটা শব্দও নক’লে৷ 14 বছৰ লগত বাদ্য বজোৱা শেখৰ গোস্বামীয়েও সিদ্ধাৰ্থৰ বিৰুদ্ধে একো নক’লে৷ শ্যামকানু মহন্তৰ প্ৰশংসাত সকলো পঞ্চমুখ হৈ থকাৰ উপৰিও, স্বয়ং AASU ৰ সভাপতিজনেও শ্যামকানু মহন্তক ৰঙালী অনুষ্ঠানৰ মুকলি মঞ্চত জ্যোতিপ্ৰসাদৰ লগত তুলনা কৰিহে এৰিলে৷ টিভি চেনেলৰ মেইন মানুহ আছিল শ্যামকানু। শ্যামকানুৰ পৰা দামী পোচাক, Foreign tour, দামী বেগ, দামী ঘড়ী, দামী মবাইল, আনকি দামী গাড়ীও উপহাৰ লোৱা কোনো গায়িকা-নায়িকাই শ্যামকানুৰ কোনো বেয়া কথা কোনোদিনেই নক’লে৷ সিদ্ধাৰ্থক তেল মাৰি মাৰি জুবিনৰ লগত কথা পাতিবলৈ সুযোগ বিচাৰি থাকিল সকলোৱে৷ কিন্তু যেতিয়াই জুবিনৰ মৃত্যু হ’ল, তেতিয়াই এই মানুহবোৰে সিদ্ধাৰ্থ, শেখৰ, শ্যামকানুৰ বদনাম গোৱাত লাগি গ’ল।জুবিনৰ কেছটো CIDত পৰাৰ মাত্ৰকে সিহঁতবোৰে এনেদৰে গাবলৈ ধৰিলে—

১/ জুবিনক লগ কৰিবলৈ সিদ্ধাৰ্থই আমাক নিদিয়ে৷  

২/ জুবিনক ফোন কৰিলে সিদ্ধাৰ্থই ফোনটো লগাই নিদিয়ে৷

৩/ সিদ্ধাৰ্থই আমাক অতি বেয়া ব্যৱহাৰ কৰে৷ 

৪/ এইবোৰ কথা গৰিমা বৌক কৈছিলোঁ৷ বৌয়ে কৈছিল সিদ্ধাৰ্থৰ মাতটোৱেই তেনেকুৱা। এইবোৰ কথা জুবিনক নক’বা। 

৫/ শ্যামকানুৰ লগত নুশুলে প্ৰগেম নাপায়। 

৬/ শ্যামকানুয়ে লেতেৰা ফটো দিয়ে৷ গোপন অংগ দেখুৱাই ৰাতি Video কল কৰে৷ 

    আৰে এইবোৰ কাহিনী ক’বলৈ তোমালোকক জুবিনৰ মৃত্যুৰ প্ৰয়োজন হ’ল কিয়?এইবোৰ কথা কোৱা গায়ক, নায়ক, গায়িকা, নায়িকা, বাদ্যযন্ত্ৰী, সুৰকাৰ, গীতিকাৰ, প্ৰযোজক, পৰিচালক, সংগীত ব্যৱস্থাপকক ইমান বছৰ সময় লাগিল কিয়? এইবোৰ আপত্তি দৰ্শাবলৈ তোমালোকক জুবিনৰ মৃত্যুৰ পাছলৈ ৰ’ব লগা হ’ল কিয়? ইমানদিনে এই খং, ক্ষোভ আৰু অভিযোগবোৰ জুবিনৰ সমুখত কোৱা নহ’ল কিয়? কিয় লুকাই ৰখা হ’ল? সিদ্ধাৰ্থই জুবিনক লগ কৰাই নিদিয়াৰ ভয়ত? সিদ্ধাৰ্থৰ কথা লগালে সিদ্ধাৰ্থই জুবিনক তেওঁলোকৰ গান গাবলৈ নিদিয়াৰ ভয়ত? সিদ্ধাৰ্থৰ কমপ্লেইন কৰিলে জুবিনৰ লগত সহশিল্পী ৰূপে মঞ্চত উঠিবলৈ নোপোৱাৰ ভয়ত? নে সিদ্ধাৰ্থৰ অভিযোগ দিলে জুবিনে বেয়া পোৱাৰ ভয়ত? কিহৰ ভয়ত সকলো অভিযোগ পেটৰ ভিতৰতে পুহি ৰাখি, এতিয়া জুবিন মৰাৰ পাছত এটা এটাকৈ মিডিয়া ফেছবুকত উলিয়াই আছা? 

যদি সিদ্ধাৰ্থ ইমান উঠিৰজা-বহিৰজা হৈছিল, তেন্তে তাৰবাবে কেৱল আৰু কেৱল সিদ্ধাৰ্থই জগৰীয়া আছিল নে? সিদ্ধাৰ্থক ইমান বেছি সীমাহীন পাৱাৰ দিছিল কোনে? 

আকৌ বোলে জুবিন বৰ সৰল। সাধাৰণ মানুহৰ লগত উঠাবহা জুবিনৰ। তেন্তে ইমান সৰল মানুহটোক লগ কৰিবলৈ, একালৰ সহযোগী অভিনেতা যতীন বৰাই সিদ্ধাৰ্থক খাতিৰ কৰিব লগা হৈছিল কিয়? তথাপিও যতীন বৰাই কিয় লগ কৰিব পৰা নাছিল জুবিনক? মেছেজ কৰাৰ পাছতো জুবিনক ফোনত কথা পাতিব পৰা নাছিল কিয় যতীন বৰাই? 

আকৌ বোলে জুবিন সহশিল্পীৰ প্ৰতি বৰ সহযোগী৷ তেন্তে জুবিনৰ সহগায়িকা শতাব্দী বৰাই, সিদ্ধাৰ্থই তেওঁৰ লগত কৰা  অমানবীয় ব্যৱহাৰৰ অভিযোগ জুবিনক দিয়াৰ সুযোগ পোৱা নাছিল কিয়? 

আকৌ বোলে জুবিন বৰ উদাৰ৷ তেন্তে জুবিনৰ সংগীত ক্ষেত্ৰৰ পুৰণা বন্ধু -বান্ধৱবোৰে, জুবিনক কথা এষাৰ পাতিবলৈ সিদ্ধাৰ্থক তেল মালিচ কৰিব লগা হৈছিল কিয়? কোনে সিদ্ধাৰ্থক ইমান শক্তি দিছিল? জুবিনৰ অনুমতি অবিহনে বা জুবিনৰ অজ্ঞাতে, সিদ্ধাৰ্থ শৰ্মা নামৰ মাৰোৱাৰী ব্যক্তিজনে, জুবিনক তেওঁৰ পুৰণা মানুহবোৰৰ পৰা আঁতৰাই ৰখাতো সম্ভৱ আছিল নে? 

  ঘটনা এটা কওঁ—

 মোৰ কেছৰ বাবে এবাৰ এজন উকীলক ফোন কৰিলোঁ৷ উকীলজন মোৰ বন্ধু৷ আমি সৰুতে একেলগে পঢ়া৷ পাছত তেওঁ আইন পঢ়িলে আৰু মই DU ত PG কৰিলোঁ৷ মোৰ কেছটো তেওঁ ল’লে৷ কিন্তু কামবোৰ আন এজন উকীলে কৰিব বুলি ক’লে৷ পাছলৈ সেই আনজন উকীলৰ লগতে মই সকলো কথা বতৰা পাতিব লগা হ’ল। ফোন কৰিলেও আনজনেই ধৰি— 

“চাৰ জাজৰ ওচৰত আছে, চাৰৰ কৰ্ট আছ, চাৰ জিৰণি লৈছে, চাৰ চৰকাৰী মিটিঙত ব্যস্ত আছে, চাৰ আউটিঙত আছে, চাৰ ক্লায়েণ্টৰ লগত আছে”

আদি অলেখ কথা ক’বলৈ ধৰিলে৷ ফোনটো সদায় আনজনৰ লগত হে থাকে৷ লাহে লাহে মই তেওঁক ফোন কৰিবলৈ এৰি, তেওঁ দিয়া আনজনৰ লগতেই কেছৰ কথা পাতিবলৈ ধৰিলোঁ৷ আনজনক টকা দি দি মই ভাগৰি পৰিলোঁ৷ কেছ শেষ নহয় হে নহয়। এদিন খং উঠি তেওঁৰ পৰা একপ্ৰকাৰ জোৰ কৰিয়েই NOC লৈ মই কেছটো আন এজন উকীলক দি চাৰিমাহত কেছ শেষ কৰিলোঁ৷ 

এই কথাখিনি মোৰ লগত পঢ়া বন্ধুজনক ফোনত জনাব নোৱাৰি মই তেওঁলৈ Whatsap কৰিলোঁ৷ তেওঁ বৰ দুখ কৰিলে৷ একো গম নোপোৱাৰ ভাও জুৰি আনজনক গালি পাৰিম বুলি কৈ মোলৈ মেছেজ কৰিলে—

“তই বেয়া নাপাবি দেই৷ মই ইমান বিজি হৈ থাকোঁ নহয়, সি আচলতে মোৰ ব্যস্ততা দেখি ফোন মোক নিদিয়েই৷ ৰ তাক দিম মই৷ আহিবি না এদিন আমাৰ ঘৰলৈ”

মই বুজি পাবলৈ বাকী নৰ’ল যে বন্ধুৰ পৰা টকা মনৰ মতে দাবী কৰি ল’ব নোৱাৰাৰ বাবে, সেয়া তাৰ চতুৰালি৷ ব্যস্ততাৰ দোহাই দি আন এজনক কামবোৰ চাবলৈ দি, মোৰ পৰা আনজনৰ হতুৱাই টকা লৈ তাৰ ভাগ সিয়ো ল’লে৷ মোৰ কাম কৰিলে ডাইৰেক্ট মোৰ পৰা বেছি টকা ল’বলৈ তাৰ প্ৰব্লেম হ’ব বাবে, সি তাৰ সহকৰ্মীৰ লগাই দি মোৰ পৰা টকা লোৱাৰ পাং পাতিলে৷ 

এইয়াই মানুহ৷ গতিকে নানান সময়ত, নানান ক্ষেত্ৰত হোৱা জীৱনৰ বিচিত্ৰ অভিজ্ঞতাই আমাক মানুহ চিনিবলৈ শিকালে৷ 

হালি থকা গছ দেখিলে তাক কাটিবলৈ কুঠাৰ দাঙি লোৱা মানুহৰ অভাৱ নাই। এতিয়া সিদ্ধাৰ্থৰ ওপৰত অভিযোগ আছে৷ গতিকে এতিয়া সিদ্ধাৰ্থ হাউলি পৰা গছ৷ তাত কোনে কিমান কুঠাৰ মাৰে মাৰিব পাৰে৷ সি কৰা কামৰ বাবে তাৰ মালিকক গোচৰ নিদি ধৈৰ্য্য, চল, বল, কৌশল আৰু তেলেৰে কাম চলাই নিয়া স্তাৱকবোৰে, এতিয়া সিদ্ধাৰ্থৰ হাউলা গছত বাগী কুঠাৰ মাৰি আছে৷ যিদৰে বাগী কুঠাৰ মাৰিছিল অসমীয়া অভিনেত্ৰী নন্দিনীৰ হলা গছজোপাত, যিদৰে কুঠাৰ মাৰিছিল চুমী বৰাৰ হলা গছজোপাত৷ এইয়াই হ’ল এচাম অসমীয়াৰ চৰিত্ৰ৷ 

কাম পোৱাৰ আশাত, আনৰ টকাৰে বিদেশলৈ যোৱাৰ আশাত, শ্যামকানু মহন্তৰ ঘৰত নিশা কটোৱা, শ্যামকানু মহন্তৰ লগত ফটো পজ দিয়া অভিনেতা-অভিনেত্ৰী, গায়ক-গায়িকা, ৰাজনৈতিক ব্যক্তি, সংগঠনৰ নেতা আদিৰ বাবে এতিয়া শ্যামকানু হলা গছ৷ শ্যামকানুৰ হাউলি পৰা গছজোপাৰ ডালপাতবোৰতো (পত্নী,জীয়ৰী, ভাতৃ) এতিয়া এচাম বদমাছৰ কুঠাৰৰ আঘাত। 

আঘাত কৰক। আপত্তি নাই। কিন্তু এতিয়া কিয়? আগতে কিয় নকৰিল? শ্যামকানুৰ গোপন অংগৰ ফটো এতিয়া ভাইৰেল কিয়? আগতে কিয় ভাইৰেল নহ’ল? কিয়? সিদ্ধাৰ্থৰ মইমতালিৰ কথা এতিয়া কিয়, জুবিন থাকোঁতে কিয় প্ৰচাৰ নহ’ল? 

এইবোৰ চব মিছা অভিযোগ৷ এইবোৰ সঁচা হোৱা হ’লে, এইসকল মানুহে জুবিনক গোচৰ দিলেহেঁতেন৷ যদি জুবিনক গোচৰ দিবলৈ তেওঁলোকৰ সুযোগ আৰু সাহস নহ’ল, তেন্তে আমি বুজিব লাগিব যে, শাৰীৰিক আৰু মানসিকৰূপে জুবিন ৰাইজৰ পৰা বহু আঁতৰত অৱস্থান কৰিছিল। মঞ্চৰ জুবিন আৰু ব্যক্তিগত জুবিনৰ মাজত বহুত পাৰ্থক্য আছিল। আমিতো তাকেই বুজিম ন? নহ’লেনো জুবিনক অভিযোগ দিবলৈ এইসকল সংগীত নাটক কৰ্মীৰ ইমান টাইম লাগেনে? 

আমি জুবিনৰ মৃত্যুৰ বিচাৰ দুমাহৰ ভিতৰতে শেষ হোৱাতো বিচাৰিছোঁ। তাৰবাবে যিমান যি কৰিব লাগে কৰক। 

আমি জুবিনৰ ন্যায় চৰকাৰৰ পৰা বা মুখ্যমন্ত্ৰীৰ পৰা বিচৰা নাই। জুবিনৰ ন্যায় আদালতৰ পৰা লাগিব। মুখ্যমন্ত্ৰীয়ে ন্যায় দিব নোৱাৰে৷ যদি মুখ্যমন্ত্ৰীয়ে ন্যায় দিয়ে, তেন্তে আনবোৰ হত্যাৰ ন্যায়ো মুখ্যমন্ত্ৰীয়েই দিব লাগিব। আইন আদালত নালাগে৷ চৰকাৰেই আইন আদালত হওক। 

জুবিনৰ কেছটো বিশেষ হ’ব নোৱাৰিব৷ কাৰণ আইনৰ চকুত সকলো গোচৰ সমান। গতিকে জুবিনক যদি মুখ্যমন্ত্ৰীয়ে ন্যায় দিয়ে, তেন্তে আনসকলকো মুখ্যমন্ত্ৰীয়েই ন্যায় দিয়ক। জনতা ভৱন আদালত হওক। হ’বনে এনেকৈ? হ’ব জানো? যদি নহয়, তেন্তে মুখত “মই ন্যায় দিম, আমাৰ চৰকাৰে ন্যায় দিব” বুলি কৈ আদালতক উপেক্ষা নকৰিব মুখ্যমন্ত্ৰী৷ 

SIT য়ে সিদ্ধাৰ্থক কঠোৰভাৱে জেৰা কৰক। সিদ্ধাৰ্থৰ লগত আৰু কোন জড়িত আছে সোধক৷ কোনোবা থাকিবই লাগিব৷ সিদ্ধাৰ্থৰ লগত কোনোবা ৰহস্যময় মানুহ আছে৷ সিদ্ধাৰ্থই অকলে জুবিনক মাৰিব নোৱাৰে৷ আমি যি সন্দেহ কৰি আছোঁ, সেই কথা ওলাবলৈ হ’লে সিদ্ধাৰ্থক কঠোৰ জেৰা কৰিব লাগিব। 3rd Degree প্ৰয়োগ কৰিব লাগিব৷ ফাঁচীত ওলমোৱাৰ কথা ক’ব লাগিব৷ তেতিয়াই সিদ্ধাৰ্থই আচল কথা কৈ দিব। আচল কথা কি আমাক সেইটো লাগে৷ 

শেখৰ গোস্বামীয়ে অভিযোগ অনাৰ পাছতো সিদ্ধাৰ্থক তীব্ৰ জেৰা কৰাৰ খবৰ আমি পোৱা নাই কিয়? চিকৰাৰ দৰে অনবৰতে গাতে লাগি থকা সিদ্ধাৰ্থক কঠোৰ জেৰা নকৰি শেখৰক জেৰা কৰি কি হ’ব? যাক জেৰা কৰিব লাগে তাক জেৰা কেতিয়া কৰিব? নে সিদ্ধাৰ্থৰ ৰহস্যময় গোপন কাহিনী ওলাই পৰাৰ ভয়ত সিদ্ধাৰ্থক জেৰা কৰা নাই? যদি জেৰা কৰিছে, তেন্তে সিদ্ধাৰ্থই জেৰাত কি কৈছে সেয়া শেখৰে কোৱাৰ দৰে, তদন্তকাৰী বিষয়া আৰু সিদ্ধাৰ্থৰ যৌথ চহী মাৰি Public Domain ত দি দিয়া নাই কিয়? নে জুবিনৰ হত্যাৰ মাষ্টাৰ মাইণ্ড আন কোনোৱা ওলাই বুলি, কথাবোৰ দীঘল কৰি গৈ আছে? কথা কি? 

 জুবিনক ভালপোৱা মানে জুবিনৰ অশ্লীল কথাক চাপৰ্ট কৰা নহয়। জুবিনৰ ন্যায় সিদ্ধাৰ্থক কৰা কঠোৰ জেৰাতহে লুকাই আছে। সিদ্ধাৰ্থক জেৰা কৰক। মেইন কালপ্ৰীত ওলাই পৰিব৷ আকৌ ক’লো—

সিদ্ধাৰ্থক মেইন সজাই লাভ নাই৷ মেইন কাহিনী হয়তো আন কিবাহে৷ যিটো শুনি আমিবোৰ মূৰ্চা নগ’লেই ৰক্ষা৷ 

পাপ কিন্তু লুকাই নাথাকে৷ পাপ এদিন প্ৰচাৰ হ’বই৷ ভগৱানে পাগল কৰি দিব আৰু বাটে ঘাটে ঘূৰি ফুৰি কোনোবা ৰহস্যময় বা ৰহস্যময়ীয়ে নিজেই কৈ ফুৰিব যে—

“ময়েই জুবিনক হত্যাৰ পৰিকল্পনা কৰিছিলোঁ”

সময় আহিব৷ সত্যক গাত খান্দি পুতি থ’ব নোৱাৰি৷ সত্য জনাৰ দিনা মানুহৰ মুখৰ মাত বন্ধ হৈ যাব।

কালি ৰ’দ দিছিল৷ মই কৈছিলোঁ—

: আজি ৰ’দ দিছে৷ 

 আজি বৰষুণ দিছে৷ মই কৈছোঁ—

: আজি বৰষুণ দিছে৷ 

  এতিয়া মোক—

“ আপোনাৰ কালি এটা কথা আজি এটা কথা” 

বুলি ক’লে হ’ব জানো? 

সত্য তেনেকুৱাই৷ সত্য ৰ’দ আৰু বৰষুণৰ দৰেই নিভাঁজ৷ 

 সত্ৰাধিকাৰক—

“ঘেন্টা প্ৰভু ঈশ্বৰ” 

বুলি ৰাজহুৱাকৈ অপমান কৰা জুবিনক ময়ো ঘেন্টা বুলি কৈছিলোঁ৷

“বামুণবোৰক ধৰি পিতিব লাগে”

বুলি কোৱাৰ বাবেহে ময়ো তেওঁক সমালোচনা কৰিছিলোঁ৷৷

মাধৱক “পাগল” বুলি কোৱাৰ বাবেহে মই তেওঁকো পাগল বুলি কৈছিলোঁ৷ 

কিন্তু মই কোনোদিন মোৰ ছোৱালী ল’ৰাক গান এটা গোৱাবলৈ গৈ, বিফল হোৱাৰ বাবে জুবিনক গালি পৰা নাছিলোঁ৷ 

জুবিনৰ লগত মোৰ কোনো ব্যক্তিগত লেনা দেনা নাছিল৷ 

জুবিনৰ লগত মোৰ কোনো ব্যক্তিগত স্বাৰ্থ নাছিল। 

জুবিনক মই সমালোচনা কৰাৰ একমাত্ৰ কাৰণ আছিল— সামাজিক৷ সমাজৰ বাবেহে মই জুবিনক গালি পাৰিছিলোঁ৷ 

এতিয়াও সিদ্ধাৰ্থ বা শ্যামকানুৰ লগত মোৰ কোনো ব্যক্তিগত স্বাৰ্থ নাই। সিহঁত দুটাক মই চিনিয়ে নাপাওঁ। কাম পাবলৈ, বিদেশ ফুৰিবলৈ মই কাকো তেল মৰা মানুহেই নহয়। মই মানুহৰ কাৰবাৰবোৰ চাইহে কথাবোৰ ক’লো। কাৰণ হলা গছত বাগী কুঠাৰ মৰা কাৰবাৰতো আমি বন্ধ কৰিব লাগিব৷ গুণ্ডাগিৰি কৰা কথাবোৰ বন্ধ কৰিব লাগিব। নহ’লে অসম ধ্বংস হ’ব৷ 

দোষীৰ শাস্তি হওক। কিন্তু কাৰোবাৰ উচতনিত ৰাইজ উন্মাদ হোৱাতো ভাল কথা নহয়। ৰাজনৈতিক নেতাৰ ভৱিষ্যত সুৰক্ষাৰ হোমত, ৰাইজে নিজৰ মানৱতাক আহুতি দিয়াাতো মানৱ সমাজৰ বাবে শুভলক্ষণ নহয়।

ৰাইজ আদালত হোৱাতো দেশৰ বাবে ক্ষতিকাৰক৷ 

সংবিধানৰ আধাৰত প্ৰস্তুত কৰা আইনক মানি চলি, আদালতৰ ৰায়দানলৈ বাট চোৱাতো সভ্য মানুহৰ ধৰ্ম হোৱা উচিত। 

আদালতে ফাঁচী দিয়াৰ আগতেই আমি অভিযুক্তক কথাৰে বাৰে বাৰে ফাঁচী দিয়াতো মানৱতাৰ পৰিপন্থী৷ 

ৰাইজে ধৈৰ্য্য ধৰিব লাগিব৷ ৰাইজ অধৈৰ্য্য হ’লে প্ৰকৃত দোষী সমুখলৈ নাহিব৷ 

জুবিন হত্যাৰ প্ৰকৃত মাষ্টাৰ মাইণ্ডক আদালতলৈ নিয়াৰ বাবে সিদ্ধাৰ্থক তীব্ৰ জেৰা কৰাৰ দাবী জনাও আহক। 

আকৌ ক’লো—

এইখন অসম৷ এইখন অসমত অসমৰ এজন জনপ্ৰিয় ব্যক্তিক, এজন মাৰোৱাৰী মানুহে অকলে হত্যা কৰিবলৈ সাহস কৰিব নোৱাৰে৷ এইটো অসম্ভৱ৷ 

জুবিন হত্যাৰ মেইন মানুহ বেলেগ৷ তেওঁক বিচাৰি উলিয়াবলৈ হ’লে, সিদ্ধাৰ্থক কঠিনৰ পৰা কঠিন জেৰা চলাব লাগিব৷ ইয়াৰ বাবে মুখ্যমন্ত্ৰীয়ে SIT ক কঠোৰ নিৰ্দেশ দিয়ক। মুখ্যমন্ত্ৰীয়ে এই কামটো কৰিলেই জুবিনে ন্যায় পাব। ফাইনেল। 

সিদ্ধাৰ্থক বলিৰ পঠা সজাই, আচল দোষীক সমাজত বৰ মানুহ বোলাই ঘূৰি ফুৰাৰ সুযোগ নিদিব মুখ্যমন্ত্ৰী৷

মনত ৰাখিব মুখ্যমন্ত্ৰী,

গোলাপ মোহাৰি কাঁইট সাৱতাৰ স্বভাৱ আমাৰ নাই৷ 

শিখা শৰ্মা

গুৱাহাটী

৫/১০/২০২৫

8974907819

#CMO_Assam 

Himanta Biswa Sarma

লেখিকাই বাৰু সিদ্ধাৰ্থক #কোনে #বলি_কা_বকৰা বনোৱা নাইটো বুলি বুজাব বিচাৰিছে, অনুমান কৰিব পাৰিছেনে🤔🤔??

অতনু ভূয়া FB Wall

ছিংগাপুৰৰ প্ৰবাসী অসমীয়াৰ পাছপ’ৰ্ট ৰদ হ’ব!

জুবিনৰ দুগৰাকী দেহৰক্ষী আছিল। দুয়ো চৰকাৰী দেহৰক্ষী। এজন বৰা, আনজন বৈশ্য। আজি কেইবছৰমান আগতে আলফাই জুবিনক ভাবুকি দিছিল। তেতিয়াই অসম আৰক্ষীয়ে জুবিনক নিৰাপত্তাৰক্ষী দিছিল। প্ৰাৰম্ভিক অৱস্থাত জুবিনৰ লগত এছক’ৰ্ট গাড়ীও আছিল। পিছলৈ এছক’ৰ্ট গ’লগৈ। কিন্তু বৰা আৰু বৈশ্য থাকি গ’ল। বৰা আৰু বৈশ্য ক্ৰমাৎ জুবিনৰ জীৱনশৈলীৰ সৈতে মিলি গ’ল। জুবিনে ৰাতি সাৰে থাকে। সাৰে থাকি জুবিনে কাম কৰে। জুবিনৰ দেহৰক্ষীও ৰাতি সাৰে থাকে। বৈশ্য আৰু বৰাই পাল পাতি কৰ্তব্য কৰে। জুবিন য’তেই যায় লগত বৈশ্য বা বৰা থাকেই। জুবিন ক’ত আছে জানিবলৈ আমি সিদ্ধাৰ্থ বা শেখৰক নহয়, বৰঞ্চ বৈশ্য বা বৰাক যোগাযোগ কৰিব লাগে। লগে লগে আমি গম পাই যাওঁ জুবিন ক’ত আছে।

এতিয়া জুবিনৰ মৃত্যু ৰহস্য তদন্ত কৰিবলৈ গৈ বৈশ্য আৰু বৰাৰ একাউণ্ট পৰীক্ষা কৰি হতবাক হৈ পৰিছে এছআইটি। আচৰিত নহ’ব, বিগত সময়ছোৱাত জুবিনৰ দেহৰক্ষীৰ একাউণ্টত লেনদেন হৈছিল প্ৰায় ১ কোটি টকাৰ। ইয়াৰে ৭০ লাখৰ লেনদেন হৈছিল এজনৰ একাউণ্টত আৰু ৪০ লাখৰ লেনদেন হৈছিল আনজনৰ একাউণ্টত। জুবিনৰ দেহৰক্ষীৰ একাউণ্টত ১ কোটি টকাৰ লেন-দেন কেনেকৈ হ’ল? ইয়াৰ উত্তৰ বিচাৰিছিল এছআইটিয়ে। যোৱা সপ্তাহত চিআইডিৰ কাৰ্যালয়ত পৃথক পৃথকভাৱে জুবিনৰ দুই দেহৰক্ষী বৈশ্য আৰু বৰাক জেৰা কৰা হয়। 

জুবিন দাতা কৰ্ণ আছিল! আচৰিত নহ’ব, বৈশ্য আৰু বৰাৰ একাউণ্ট পৰীক্ষা কৰি আৰু জেৰা কৰি এই তথ্য লাভ কৰে এছআইটিয়ে। জুবিনে বিহু ফাংচনৰ পৰা আৰম্ভ কৰি বিভিন্ন সাংস্কৃতিক অনুষ্ঠানত অংশগ্ৰহণ কৰে। বছৰেকৰ প্ৰতিটো মাহত জুবিনৰ দুই-তিনিটা অনুষ্ঠান থাকে। একো একোটা অনুষ্ঠানৰ নামত জুবিনে লয় ৬ লাখৰ পৰা ৮ লাখ টকা। এই টকা কিন্তু জুবিনে পোনে পোনে নাপায়। টকা লয় সিদ্ধাৰ্থই। পৰৱৰ্তী সময়ত এই টকাৰে নিৰ্দিষ্ট অংশ ভগাই দিয়া হয় বাদ্যযন্ত্ৰীসকলৰ মাজত। একো একোজন বাদ্যযন্ত্ৰীয়ে ১০ হাজাৰৰ পৰা ২০ হাজাৰ টকা একো একোটা অনুষ্ঠানৰ নামত লাভ কৰে। পৰৱৰ্তী সময়ত জুবিনে উপাৰ্জন কৰা এই ধনৰ হিচাপ সিদ্ধাৰ্থই জুবিনক দিয়ে। সাধাৰণতে এই টকা সিদ্ধাৰ্থৰ লগত জমা থাকে। কিবা বৃহৎ পৰিমাণৰ ধন ব্যয় কৰিবলগীয়া হ’লে জুবিনৰ নিৰ্দেশত সিদ্ধাৰ্থই ধন উলিয়াই দিয়ে। প্ৰয়োজন হ’লে গৰিমায়ো সিদ্ধাৰ্থৰ পৰা ধন বিচাৰে। 

তেনে অৱস্থাত জুবিনৰ দেহৰক্ষী বৰা আৰু বৈশ্যৰ লগত চাৰি-পাঁচ বছৰৰ ভিতৰত ১ কোটি টকাৰ লেন-দেন কেনেকৈ হ’ল? এতিয়া এছ আই টিয়ে এই বিষয়ে বিতং তথ্য লাভ কৰিছে। জুবিনে ষ্টুডিঅ’ত বিভিন্নজনৰ বাবে গান গায়। থিয়েটাৰৰ বতৰত প্ৰতিখন থিয়েটাৰৰ দুই-তিনিটাকৈ গান গায় জুবিনে। শেহতীয়াভাৱে একো একোটা গানৰ বিনিময়ত জুবিনে ৫০ হাজাৰ টকা পৰ্যন্ত পায়। প্ৰযোজকসকলে জুবিনে গোৱা গানৰ বিনিময়ত নগদ ধন জুবিনৰ হাতত দিয়ে। জুবিনে লগে লগে এই ধন দিয়ে বিশ্বাসী দেহৰক্ষী বৈশ্য বা বৰাক। দুয়োকে ধন নিজৰ একাউণ্টত জমা ৰাখিবলৈ কয়। 

জুবিনৰ লগত কোনো পইচা নাথাকে। জুবিনে গুগল পেৰ বিষয়ে নাজানে। জুবিনৰ মোবাইলত গুগল পে’ ইনষ্টল নাই। এতিয়া দাতা কৰ্ণ জুবিনৰ কাহিনী শুনক। জুবিনৰ ষ্টুডিঅৰ বাহিৰত সদায় দুই-তিনিজন মানুহ ৰৈ থাকে। হাতে হাতে থাকে দৰ্খাস্ত। কাৰোবাক চিকিত্সাৰ বাবে পইচা লাগে, কাৰোবাক উচ্চ শিক্ষাৰ বাবে পইচা লাগে। জুবিনৰ ওচৰলৈ আহি এওঁলোকে কান্দে। জুবিনে লগে লগে বৈশ্য বা বৰাক সেই যুৱক বা যুৱতীগৰাকীক গুগল পে’ কৰি দিবলৈ নিৰ্দেশ দিয়ে। 

এছআইটিয়ে বৈশ্য আৰু বৰাৰ একাউণ্ট পৰীক্ষা কৰি পাইছে প্ৰতি মাহে জুবিনে বিভিন্নজনক ৩ হাজাৰৰ পৰা ১৫ হাজাৰ টকা পৰ্যন্ত ধন গুগল পে’যোগে আদায় দিয়ে। পুনৰ কৈছো জুবিনৰ নিজৰ গুগল পে’ নাই। জুবিনে পইচাবোৰ জমা ৰাখে বৰা বা বৈশ্যৰ একাউণ্টত। ভাবি চাওঁক জুবিনৰ মনটো। সহজ-সৰল ল’ৰা, সকলোকে বিশ্বাস কৰে। বিগত সময়ছোৱাত বৈশ্য আৰু বৰাৰ একাউণ্টত জুবিনে জমা ৰাখিছিল ১ কোটিৰো অধিক ধন। একেলগে সেই ধন জমা হোৱা নাছিল। দুয়োৰে একাউণ্টত দেখা গ’ল বিভিন্ন সময়ত তেওঁলোকে গুগল পে’যোগে বিভিন্ন যুৱক-যুৱতীক ধন দিছে। এছআইটিৰ ওচৰত বৈশ্য আৰু বৰাই এই বিষযে বিতং তথ্য সদৰী কৰিছে। এছআইটিয়ে দেখিছে নিৰ্দিষ্ট কোনো ব্যক্তিক জুবিনে নিয়মিতভাৱে ধন দিয়া নাই। বিভিন্নজনে বিভিন্ন সময়ত বৰা আৰু বৈশ্যৰ জৰিয়তে জুবিনৰ ধন লাভ কৰিছিল। এয়া হৈছে জুবিনৰ কাহিনী। 

এইখিনি মুহূৰ্ততে এছআইটিৰ আন কেতবোৰ বিষয়ক লৈ বিতৰ্কৰ সূচনা হৈছে। এছআইটিৰ বিভিন্ন তথ্য ৰাজহুৱা কেনেকৈ হ’ল বুলি একাংশ ৰাজনীতিবিদে প্ৰশ্ন কৰিছে। নতুন ন্যায় সংহিতা অনুসৰি কোনো এজন ব্যক্তিক গ্ৰেপ্তাৰ কৰিলে কিহৰ ভিত্তিত গ্ৰেপ্তাৰ কৰিলে সেয়া ৰাজহুৱা কৰাটো আৰক্ষীৰ বাবে প্ৰয়োজনীয় হয়। সিদ্ধাৰ্থক গ্ৰেপ্তাৰ কৰাৰ সময়তো এছআইটিয়ে কি কি গ্ৰাউণ্ডত গ্ৰেপ্তাৰ কৰা হৈছে বুলি লিখিত তথ্য দিছিল। ইয়াৰ প্ৰতিলিপি সিদ্ধাৰ্থৰ পৰিয়ালেও পাইছিল। সেই প্ৰতিলিপিত ওলাই পৰিছিল বিহপান কৰোৱাৰ পৰা আৰম্ভ কৰি অন্যান্য তথ্য।

১৪ দিন আৰক্ষীৰ জিম্মাত ৰখাৰ পিছত অহা ১৪ অক্টোবৰত শ্যামকানু আৰু সিদ্ধাৰ্থক চিআইডিয়ে আদালতত হাজিৰ কৰাব। সেই সময়ত আৰক্ষীয়ে গাঁঠি দিব লাগিব শ্যামকানু আৰু সিদ্ধাৰ্থ সংক্ৰান্তত বিভিন্নজনে দিয়া বিবৃতিৰ প্ৰতিলিপি। এছআইটিৰ মতে সিদ্ধাৰ্থ আচলতে কেনেকুৱা আছিল সেয়া জানিবলৈ জুবিনৰ সৈতে গীত গোৱ বিভিন্নজনক জেৰাৰ বাবে মতা হৈছে। 

জুবিনৰ মোবাইল ফোনত বিভিন্ন তথ্য উদ্ধাৰ কৰিছে এছআইটিয়ে। ছিংগাপুৰত যোৱাৰ আগে-পিছে জুবিনে কাক কাক মেচেজ দিছিল সেই তথ্যও পোৱা গৈছে। এই তথ্যৰ ভিত্তিত বিভিন্নজনক জেৰা কৰা হৈছে। জেৰাৰ বাবে এছআইটিয়ে ছিংগাপুৰৰ প্ৰবাসী অসমীয়াকেইজনকো মাতিছে। সেইকেইজনে আজি ছিংগাপুৰৰ ভাৰতীয় দূতাবাসত উপস্থিত হৈ উচ্চায়ুক্তক নিজৰ স্থিতি স্পষ্ট কৰাৰ কথা। এছআইটিৰ উচ্চস্তৰীয় সূত্ৰ মতে প্ৰবাসী ভাৰতীয়কেইজনে জেৰাৰ বাবে এছআইটিৰ সন্মুখীন নহ’লে পৰৱৰ্তী সময়ত তেওঁলোকৰ পাছপ’ৰ্ট ৰদ কৰাৰ চিন্তা-চৰ্চাও কৰিছে ৰাজ্য চৰকাৰে। গোচৰ দীঘলীয়া হ’ব। এছআইটিয়ে জুবিনৰ মৃত্যুৰ বাবে জড়িতসকলক ৰেহাই নিদিয়ে। তেওঁলোকেও জানে জুবিন কেৱল শিল্পী নাছিল, জুবিন আছিল অসমৰ সম্পদ।

Trinayan Handique FB Wall

জুবিন গাৰ্গ আৰু গৰিমা গাৰ্গৰ চৰিত্ৰত আঁচোৰ পৰা কোনো কথাই এতিয়া অসমবাসীয়ে শুনিবলৈ নিবিচাৰে। জুবিন গাৰ্গ নোহোৱা হোৱাৰ দুদিন পাছতেই গৰিমা শইকীয়া গাৰ্গৰ ওপৰত আৰু এতিয়া জুবিন গাৰ্গৰ ওপৰত এচামে উদ্দেশ্য প্ৰণোদিত ভাবে কিছুমান কথা প্ৰচাৰ কৰা যেন অনুভৱ হয়। এতিয়া নিজৰ পক্ষ ৰাখিবলৈ জুবিন গাৰ্গ জীৱিত অৱস্থাত আছেনে ? সেই কথা ক'ব নজনা লেবা গৰুজনীৰো এতিয়া মাত ওলাইছে। এজন ব্যক্তিৰ মৃত্যুৰ পাছত এনে কাম কৰাটো উচিত নহয়। জুবিন গাৰ্গৰ মৃত্যুৰ কেচটো এটা হাইপ্ৰফাইল কেচ। বিচাৰ প্ৰক্ৰিয়া চলি থকাৰ সময়ত গোপনীয় কথাবোৰ কেনেকৈ বাতৰি কাকতৰ হেডলাইন হ'ব পাৰিছে ? এইয়াও কাৰোবাৰ ষড়যন্ত্ৰ নেকি? 

এটা কথা ঠিক, অসমৰ ৰাইজে সকলো কথা খুউব সূক্ষ্মভাৱে নিৰীক্ষণ কৰি আছে। জুবিন গাৰ্গৰ আত্মাৰ লগত ধেমালি নকৰাই ভাল। যিজন ব্যক্তিৰ মৃত্যুৰ পাছত এখন শ্মশান পবিত্ৰ তীৰ্থস্থানলৈ ৰূপান্তৰিত হৈছে সেইজন  ব্যক্তি কোনো  সাধাৰণ এলাপেচা লোক নহয়। কোনোবাই যদি ইচ্ছাকৃতভাৱে তেখেতৰ চৰিত্ৰহননত লাগিছে তেন্তে অসমৰ তিনি কৌটি এঘাৰ লাখ লোকৰ শাওপাতৰ পৰা তেওঁলোকৰ পৰিয়াল পৰ্য্যন্ত ৰক্ষা কৰিব নোৱাৰিব। এইয়া একদম চিধা কথা।

বনজিৎ পাটোৱাৰী

 ক’ভিড কাল আৰু জুবিন দাৰ কথা , 

 বনজিৎ পাটোৱাৰী ককাইদেউৰ পৰা।।। 

ক’ভিডৰ আৰাম্ভণিত জুবিন দা মুম্বাইত চিকিৎসাধীন হৈ আছিল ৷

চিকিৎসা শেষ কৰি ঘৰলৈ উভতি আহিবলৈ উৰাজাহাজ , ট্ৰেইন সকলোবোৰ যাতায়াত বন্ধ আছিল ৷ তেতিয়া জুবিনদাই নিজাববীয়াকৈ বাছ এখন ভাড়া কৰি সুদুৰ মুম্বাইৰপৰা গুৱাহাটীলৈ আহিছিল ৷

মুম্বাইৰ ডক্টৰে ভিটামিন B12 ইনজেকচন ৫টা লবলৈ কৈছিল ৷ 

সেই ইনজেকচন তাত থকা ডক্টৰ বা নাৰ্ছৰ হতুৱাই নল'লে ৷ 

চাৰিদিনৰ পিছত মুম্বাইৰ পৰা গুৱাহাটী পালে আৰু বাহিৰে বাহিৰে মোৰ ওচৰত আহিলে ৷ 

" বনজিৎ , ( প্ৰেস্কিপচন খন মোৰফালে আগুৱাই দি ) মুম্বাইৰ ডক্টৰে এটি ইনজেকচন দিছে মই তাত নল'লো তোমাৰ তাত আছেনে চোৱাচোন নাই যদি আনি দিবা ৷"

মই চালো ( Thiamine inj ) ৷

"বৰ্তমান নাই কালি আনি দিম ৷ "

মই ক'লো ৷

তেও মানি ল'লে ৷ 

পিছদিনা দুপৰীয়া আহি ইনজেকচনটো ল'লে ৷ 

"বনজিৎ  , বহুত মানুহে মোলৈ ফোন কৰি আছে সহায়ৰ বাবে ৷ এতিয়াটো মানুহ ওলাব নোৱাৰে,সেয়েহে মোৰ ওচৰত মানুহ আহিব নোৱাৰিব ৷ ৰাতি পুলিচবোৰ অলপ কম থাকে, তোমাৰ ঠিকনাটো দিম তুমি দি দিবা ৷ হিচাপ কৰি থৈ দিবা মই একেলগে দিম ৷"

সেইদিনাৰ পৰা ক’ভিডৰ জটিল সময় খিনিত  দুহেজাৰ-তিনিহাজাৰ কৈ সম্পূৰ্ণ ৬০,০০০(60,000) টকা মোৰ হাতেৰে সহায় কৰিছিল ৷ তাৰোপৰি মাদাৰ ওল্ড এ’জ  হোম ( Mother old age home ), তাত ক‘ভিড  কালত ব্যৱহাৰ হোৱা  25,000  টকাৰ জীৱনদায়িনী  ঔষধ , অনাথ আশ্ৰমত 15,000 টকাৰ শিশু খাদ্য (Baby food ) দান মোৰ হাতেৰে দিয়া হৈছিল ৷

এনেকুৱা দানবীৰ ভগৱান  আমি আৰু দ্বিতীয় জন নাপাম ৷ জুবিনদাৰ ন্যায় কোনোবাই কৰক নকৰক ভগৱানে কৰিব ৷ আৰু বহু কথা আছে পিছলৈ লিখিম ৷

                    —বনজিৎ পাটোৱাৰী 

#JusticeForZubeenGarg 

#ZubeenGarg 

#hilights 

                        5 \ 10 \ 2025

দেৱাঞ্জন বৰঠাকুৰ টৰোণ্টো বিশ্ববিদ্যালয়ৰ মনোবিজ্ঞান

 দ্য পিপল, দেই মেড মি মেচ্যিন-

জুবিনৰ মনৰ নিজানত ( আমাৰ অসম )

জুবিন গাৰ্গে যেতিয়া শেষৰটো ইণ্টাৰভিউত ফ্ৰেডৰিখ নীৎচ্ছেৰ প্ৰসঙ্গ আনিলে। সময় যেন থমকি ৰ'ল, ক'লা চকুজুৰিয়েও যেন তুলি চালে তেওঁক।  পিংক ফ্লয়েডৰ চাইকিডেলিক সুৰৰ মূৰ্ছনাই হয়তো জুবিনৰ মনোজগৎ আচ্ছন্ন কৰিছিল । জুবীন গাৰ্গ নীৎচ্ছেই কোৱা “শূন্যতা”ক ভয় কৰি থমকি নৰল বৰং সেই শূন্যতাৰ ভিতৰত নিজৰ সৃষ্টিৰ জগত গঢ়ি তুলিলে । Instead of collapsing into nothingness, he filled that void with creation — his own “will to power.” পৰম্পৰাগত নিয়ম-নীতি আৰু সমাজৰ সংকীৰ্ণতাই য’ত মানুহক নিৰাশা বা অনুকৰণত ধৰি ৰাখে, জুবিনে তাত প্ৰতিবাদৰ সুৰ তুলিলে। তেওঁৰ নিৰ্ভীক সংগীত আৰু জীৱনৰ ধাৰাটোৱেই আছিল নীৎচ্ছেৰ “will to power”—জীৱনৰ প্ৰতি সঁহাৰি জনোৱা শক্তি। “will to nothingness”ৰ দৰে আত্ম-অস্বীকাৰ আৰু নিৰাশাৰ  পথ বাছি নলৈ  তেওঁ মুক্ত  হৈ জীৱনক খামুছি  ধৰিছিল। সেইবাবে জুবিনৰ সৃষ্টি আৰু বিদ্ৰোহী জীৱনধাৰাই শূন্যতাৰ ঠাইত গান, কবিতা আৰু মুক্ততাৰ সুৰেৰে আমাৰ হৃদয় পূৰ্ণ কৰি ৰাখিলে।

জুবিনৰ মনৰ নিজানত জোনাক আছিল নে এক ৰিক্ততা। শেষৰটো  ইণ্টাৰভিউত জুবিনে নিজৰ মনটোক যেন মানুহৰ বাবে অলপ অলপকৈ খুলি দিলে যেতিয়া তেওঁক অনুৰোধ কৰা হৈছিল, - "চোৱা আজি তুমি কথাবোৰ অলপ খুলি কোৱা, কাৰণ তুমিতো আৰু নোকোৱা"। জুবিনৰ মনোজগত কেনেকুৱা আছিল আমি বুজিবলৈ চেষ্টা কৰিব লাগিব। তেওঁৰ মনৰ নিজানত জোনাক আছিলে লগত আছিল বুকু ভৰা বেদনা। জুবিনে যেতিয়া কৈছিল “মই মেচিন নহয়”, তেতিয়া সেয়া কেৱল ভাগৰ নাছিল — ই আছিল প্ৰতিভাৰ পণ্যকৰণৰ এক বিৰোধিতা। মানসিকভাৱে সেই বক্তব্য কাৰ্ল ৰজাৰ্ছ বা মেচল’ৰ দৰে মানৱতাবাদী মনোবিজ্ঞানীয়ে প্ৰামাণিক স্বীকৃতিৰ প্ৰয়োজনীয়তা বুলি কোৱা কথাটোৰ সৈতে মিল খায়। তেওঁ কেৱল গায়ক হিচাপে নিজক চাব বিচৰা নাছিল, তেওঁ হয়তো বিচাৰিছিল মানুহে তেওঁক মৰম দিয়ক আৰু তাৰ বাবে তেওঁ যন্ত্ৰৰ দৰে কাম কৰি থকাৰ প্ৰয়োজনীয়তা থাকিব নালাগে।

তেওঁ যেন বুজি পাইছিল সৃষ্টিশীলতাই ক্লান্তিৰ পৰা অন্তহীনভাৱে তেওঁক ৰক্ষা কৰিব নোৱাৰে। তেওঁ সেইবাবেই কৈছিল, - আই এম এ পাৰ্ফোৰ্মাৰ, আই নিড টু পাৰ্ফম এণ্ড ডাই। মৃত্যুৰ প্ৰতি তেওঁৰ ভয় নাছিল, তেওঁ জানিছিল তেওঁ নাইকিয়া হ'লে তেওঁ হেৰায় নাযায়, তেওঁৰ বাবে অমৰত্ব যেন অপেক্ষাৰত।

ইম্পালচিভিটি আৰু ৰিস্ক-টেকিং ড্ৰাইভ এটা লৈ গভীৰতা নোজোখাকৈ সাগৰত জপিয়াই দিবলৈ তেওঁ ব্যগ্ৰ হৈ আছিল। ই এটা অনুভূতি বিচৰা বৈশিষ্ট্য (জুকাৰমেনৰ তত্ত্ব) য'ত- নতুনত্ব, বিপদ আৰু তীব্ৰতাৰ প্ৰতি এক ধৰণৰ হাবিয়াস থাকে। সৃষ্টিশীল ব্যক্তিত্বই এই অস্থিৰতা সদায় কঢ়িয়াই ফুৰিব লাগে। " মই সাগৰৰ লগত খেলি ভাল পাও, সাগৰত একো কাম নাই, জাহাজখন পোৱাই নাই নহয় এতিয়ালৈকে"- সাগৰখনেই হৈছে জুবিনৰ বাবে এক ৰূপক৷ এফালে ই নাটক আনহাতে ইয়াৰ অসাৰতা এটা অন্তহীন বিস্তৃতি য’ত কোনো জাহাজ গৈ নাপায়৷ জুবিনৰ মনৰ ই অস্তিত্ববাদী দুৰ্বলতাক প্ৰতিফলিত কৰে: জীৱন এক বিষ্ময় আৰু এক শূন্যতা। নিৎচেই ইয়াক শূন্যতাৰ লগত বিলীন হোৱাৰ ইচ্ছাকো প্ৰতিফলিত কৰিব পাৰে বা এই সাগৰীয় অনুভূতি ফ্ৰয়েড, ৰোমেইন ৰ’লেণ্ডৰ ভাষাত এক অসীমৰ লগত একত্ৰিত হোৱাৰ অনুভূতি যি আধ্যাত্মিক কিন্তু ভয় লগা। জুবিনে প্ৰায়েই নিজৰ আৰু শিল্পৰ মাজৰ ৰেখাডাল ম্লান কৰি পেলাইছিল। তেওঁ কেৱল “গীত বনোৱা” নাছিল, তেওঁ এনেদৰে জীয়াই আছিল যেন তেওঁৰ জীৱনটোৱেই এটা গীত। মনোবিজ্ঞানী মিহালি চিক্সজেণ্টমিহালীয়ে প্ৰবাহ ( ফ্লো) বুলি কোৱা এটা মানসিক অৱস্থালৈ জুবিন গুছি হয়তো যায় যেতিয়া গানৰ মূৰ্ছনাত তেওঁ বিলীন হয়। তেওঁ যেতিয়া কৈছিল, দিনটোত এটাৰ পাছত আন এটা গান গাই গৈছিল, তেওঁ এই ফ্লো মানসিক অৱস্থাৰ মাজলৈ গুছি গৈছিল। কিন্তু যেতিয়া শিল্প পণ্য হৈ পৰে, তেতিয়া ই তেওঁৰ সত্তাটোৰ প্ৰতি ভাবুকি কঢ়িয়াই অনাৰ অনুভৱে তেওঁক বিৰক্ত কৰে, তেওঁৰ খং উঠে। জুবিন গাৰ্গৰ দাৰ্শনিক দিশটোৰ পৰা অসমীয়া সত্তাটোকো পৃথক কৰিব নোৱাৰি। তেওঁৰ বিদ্ৰোহ শিপাহীন নাছিল। অসমীয়া সত্তাটোক তেওঁ নিজৰ সৃষ্টিৰ লগত সংপৃত্ত্ব কৰিছিল।

"মই পুনৰজন্মত আকৌ জুবিন গাৰ্গ হব বিচাৰোঁ, more than that", এই কথাকেইটাই তেওঁৰ ব্যক্তিত্বৰ আন এটা দিশ পোহৰাইছে। ই এক কিংবদন্তী-নিৰ্মাণৰ ইংগিত, মেকএডামছৰ আখ্যানমূলক পৰিচয়ৰ তত্বৰ সৈতে মিল থকা, য’ত ব্যক্তিসকলে জীৱন কাহিনী তৈয়াৰ কৰে যিয়ে সংহতি আৰু উত্তৰাধিকাৰৰ ওপৰত গুৰুত্ব আৰোপ কৰে। পৰৱৰ্তী জীৱনত জুবিন, বা তাতকৈ ডাঙৰ হ’ব বিচাৰে জুবিনে। জুবিনে সময়লৈ ভয় কৰিছিল, ঘড়ীটোলৈ চাই এই কথা কেইটা কৈছিল। তেওঁৰ অস্তিত্ব নাইকিয়া হৈ যাব পাৰে বুলি ভয় কৰিছিল আৰু নিজৰ জীৱনক আখ্যানলৈ ৰূপান্তৰিত কৰা, নিজকে কিংবদন্তি হিচাপে চাব তেওঁ বিচাৰিছিল, আলেকজেণ্ডাৰেও তেনেকৈ বিচৰা নাছিল জানো? কিন্তু তেওঁৰ এই অস্তিত্ববাদী ভয়টোক তেওঁ সৃষ্টিশীলতালৈ ৰূপান্তৰিত কৰিছিল। তেওঁ কৈছিল, - "মই লাখ লাখ মানুহৰ লগত থাকোঁ। So I will stay with them. I'm a performer, I need to perform and die". তেওঁ নিজৰ জীৱনটোক নিজৰ কলাৰ পৰিবেশনৰ লগত একাত্ম কৰি তুলিলে। এজন শিল্পীৰ বাবে জীৱনৰ অৰ্থ তেতিয়াহে থাকে যেতিয়ালৈকে তেওঁ কেৱল পৰিবেশন কৰি যায়, আজীৱন, আমৃত্যু। পাৰ্ফৰমেন্স শেষ, জীৱনো শেষ। “মই কম খাওঁ, মই খুৱাওঁ- জুবিনৰ পৰোপকাৰী স্বভাৱ, এল্ট্ৰুইজম সকলোৱে জানেই, ইয়াৰ বাখ্যাৰ প্ৰয়োজনীয়তা নাই। কিন্তু কাৰ্ল য়ুং ৰ Wounded healer ৰ ধাৰণাৰ লগত ই কিছু খাপ খায় যেন লাগে। জুবিনৰ ভিতৰখন নিজেই ক্ষত বিক্ষত, তেওঁ কঢ়িয়াই ফুৰা দুখবোৰে তেওঁক সহমৰ্মী কৰি তোলে। তেওঁৰ হৃদয়ত ৰিক্ততা আছিল, ন'হেলে তেওঁ নাগালেহেতেন - "কথাও ক'লো বহু গানো গালো লিখিলো বহুতো, খোজে খোজে প্ৰতি পলে পালো, একে ক্লান্ত শূণ্য আমঠু। তেওঁৰ হৃদয়ৰ গভিৰত এক তমসাই আৱৰি আছিল। তেওঁ কৈছে- "ৰৈ ৰৈ বিনালে মই কি কাৰণে লিখিলোঁ নাজানোঁ"। গণিতজ্ঞ ৰামানুজনেও নাম্বাৰ থিয়ৰী, ইনফিনিট চিৰিজ এইবোৰৰ উদ্ভাৱন তেওঁ কেনেকৈ কৰিছিল তেওঁ নিজেও নাজানিছিল, নিশ্চয়কৈ অৱচেতন মনৰ পৰা ওলাই আহিছিল। ঠিক ক'ব পাৰে- creation as a channel, not a controlled act. সৃষ্টিৰ আঁৰত বহু সময়ত নিজৰ সচেতন নিয়ন্ত্ৰণ নাথাকে।

তেইঁ কৈছিল- "A king should never leave his kingdom. অসমত মই যদি মৰোঁ, এসপ্তাহ অসম বন্ধ হৈ যাব"। এই কথাখিনি সামাজিক পৰিচয় তত্বৰে আমি বুজিব পাৰোঁ। অসমীয়া জাতিসত্বাৰ পৰা জুবিন পৃথক নহয়। কিন্তু তেওঁ কঢ়িয়াই ফুৰিছে সেই বোজা, burden of symbolic immortality। অমৰত্বৰ এটি বোজা তেওঁ আজীৱন কঢ়িয়াই ফুৰিছিল, সেইবাবেই তেওঁ মৃত্যুক লৈ অভয় হৈও হয়তো পৰিছিল। এক অপৰাজয়তাৰ অনুভৱ তেওঁৰ হৈছিল। তেওঁৰ মৃত্যুৱে তেওঁক শেষ নকৰে আকৌ জীয়াই তুলিব এই ধাৰণাই তেওঁৰ মৃত্যুভীতি শূণ্য কৰিছিল। সাগৰৰ গভিৰতা সেয়ে তেওঁ নোজোখাকৈ তালৈ জাপ মাৰিছিল। তেওঁৰ জিনিয়াছ চৰিত্ৰই তেওঁক এক বৌদ্ধিক শূণ্যতাৰ মাজলৈ ঠেলি দিছিল। তেওঁ হয়তো এনেকুৱা স্ংগ বাছি লৈছিল য'ত সুৰা আৰু হাঁহি ধেমালীক বেছি গুৰুত্ব দিয়া হৈছিল। তথাপিও তেওঁ জানিছিল যে মৃত্যুৰ সময়ত তেওঁ আকৌ অকলশৰীয়া হ'ব। এক existential isolation ৰ কল্পনা তেওঁ কৰিছিল যেতিয়া কৈছিল- “যুদ্ধত যেতিয়া মৰে, লগত তিনিটামানহে থাকে, বাকীবোৰ কোনো নাথাকে, সব পলাই যায়।”

"দ্য পিপল, দেই মেড মি মেচ্যিন। আই ৱাজ নট লাইক ডেট। যন্ত্ৰই বনালে ... - জুবিন গাৰ্গ"

জুবিন গাৰ্গৰ স্বাভিমানক হয়তো বহুতে অংহকাৰ বুলি ভুল ভাৱিছিল। তেওঁৰ হাতত একো নাছিল, কাৰোৰে হাঁতত একো নাই। মানুহৰ মুক্ত ইচ্ছাও খুব বেছি নাই। তেওঁ আহিল আৰু গুছি গ'ল, এয়াই জীৱন।

 

দেৱাঞ্জন বৰঠাকুৰ টৰোণ্টো বিশ্ববিদ্যালয়ৰ মনোবিজ্ঞান বিভাগৰ অংশকালীন শিক্ষক আৰু গৱেষক।

ত্ৰিনয়ন সন্দিকৈ। অসম ভৱন,মুম্বাই

 জুবিন গাৰ্গে অনুকৰণ কৰা সংগীতজ্ঞজন।

*****************************

আপোনালোকে ফটোত দেখা ব্যক্তিজনৰ লগত জুবিন গাৰ্গৰ কিবা মিল দেখিছে নে ?  হয়, দাঁত দুপৰি আৰু হাঁহিটোৰে সৈতে জুবিন গাৰ্গৰ লগত বহুখিনি মিল আছে। পিছে আপোনালোকে ফটোখন জুবিন গাৰ্গৰ বুলি ভুল নকৰিব। এটা সময়ত জুবিন গাৰ্গে এই ব্যক্তিজনক বৰকৈ অনুকৰণ কৰিছিল। এই ব্যক্তিজনেই জুবিন গাৰ্গক এক বিশেষ ষ্টাইলত কেনেকৈ  সংগীত সৃষ্টি কৰিব পাৰি তাৰ আদিপাঠ দিছিল। মানুহজন একদম প্ৰচাৰ বিমুখ আৰু সদায় পৰ্দাৰ আঁৰত লুকাই থাকে।  বৰ্তমান তেখেত মুম্বাইত থাকে আৰু এজন স্বনামধন্য সংগীত পৰিচালক। সেই ব্যক্তিজনৰ নাম হৈছে উৎপল শৰ্মা যাক আমি মৰমতে ঘৰুৱা নামেৰে  "পুকণ দা" বুলি মাতো। এসময়ত মই উৎপলদাৰ লগত একেলগে সংগীত কৰিছিলোঁ। উৎপল শৰ্মা হৈছে জুবিনৰ নিজৰ জেঠাইয়েকৰ ল'ৰা। সৰুতে জুবিনে প্ৰায়েই উৎপলদাহঁতৰ ঘৰত আহি থাকে। অৱশ্যে তাৰো এটা কাৰণ আছে। উৎপলদাহঁতৰ ঘৰৰ আটাইকেইটা ল'ৰা ছোৱালীয়ে গীত গায়। মুঠতে তেওঁলোকৰ ঘৰখনত এক সংগীতময় পৰিবেশ বিৰাজ কৰিছিল। কেতিয়াবা এনে অৱস্থা হয়গৈ যে দেউতাকে জুবিনক বিচাৰি আহিবলগীয়া হয়। 

এই উৎপলদাই জুবিনক সংগীতৰ নতুন ধাৰাৰ লগত পৰিচয় কৰাই দিছিল। যিটো সময়ত আজিৰ দৰে ইণ্টাৰনেট গুগুল আদি নাছিল, সেই তেতিয়াই উৎপলদাই জুবিনক পশ্চিমীয়া জেজ মিউজিক, শ্লো ৰক', ব্লুজ, পেৰেলেল হাৰমণি আদি ব্যৱহাৰ কৰি কেনেকৈ সংগীত সৃষ্টি কৰিব পাৰি তাক শিকাইছিল। সেই সময়ত উৎপলদাৰ চুলিবোৰ দীঘল আছিল, লগতে এযোৰ চচমা পিন্ধিছিল। আপোনালোকে যদি জুবিনৰ সেই অনামিকা, মায়া আদি কেছেটৰ দিনবোৰলৈ উভতি যায়, তেন্তে জুবিনৰ সেই চুলি দীঘল চেহেৰাৰ ফটোবোৰ বিচাৰি পাব। জুবিনে যেতিয়া গীত গায় তেতিয়া দূৰৈৰ পৰা শুনি থাকিলে উৎপলদাই গাই থকা যেন লাগে। যোৰহাট ৰেডিঅ'ত  জুবিনে প্ৰথমে যি দুটা গীত গাইছিল সেই দুটা গীতৰ সুৰো উৎপলদাৰ আছিল।  উৎপল দাই সুৰ কৰা এটা বিখ্যাত গীত হৈছে অনিন্দিতা পালে গোৱা ---- " বকুল ফুলৰ দৰে " গীতটি। মই মোৰ " অসম ভৱন মুম্বাই আৰু মই " গ্ৰন্থখনিত উৎপলদাহঁতৰ গোটেই ঘৰখনৰ কথা লিখিছোঁ। এসময়ত সেই ঘৰখনেই জুবিন গাৰ্গৰ সংগীত জীৱনৰ কঠীয়াতলী আছিল বুলি ক'লেও ভুল কৰা নহয়। এই উৎপল শৰ্মাই আছিল জুবিনৰ অনামিকা, মায়া, জুবিনৰ গান আদি কৰি প্ৰথম পাঁচটা মান কেছেটৰ সংগীত পৰিচালনা আৰু ব্যৱস্থাপনা কৰিছিল। কিন্তু আপোনালোকে এই ব্যক্তিজনক কেতিয়াও মিডিয়াৰ আগত হাই লাইট হোৱা দেখা নাপায়। 

সিদিনা আমি মুম্বাইত জুবিনৰ ঘৰটোত যেতিয়া লগ হৈছিলোঁ তেতিয়া উৎপলদাই মোক সাৱটি পাকঘৰত মনে মনে হুকহুকাই কান্দিছিল। লগতে ২২ তাৰিখৰ দিনা আমি দুয়োজনেই একেলগে গুৱাহাটীলৈ জুবিন গাৰ্গৰ অন্তুষ্টিক্ৰিয়াত উপস্থিত হ'বলৈ গৈছিলোঁ ( আলোকচিত্ৰ এখন সংলগ্ন কৰি দিছোঁ )। জুবিন গাৰ্গক হেৰোৱাৰ দুখৰ পৰা আমি এতিয়াও ওলাব পৰা নাই। শেষত জুবিন গাৰ্গৰ আত্মাৰ সদগতি কামনা কৰিলোঁ। জুবিন গাৰ্গে ন্যায় পাওক। 

শ্ৰদ্ধাৰে 

ত্ৰিনয়ন সন্দিকৈ।

অসম ভৱন,মুম্বাই

বি. দ্ৰ:- পঢ়ি ভাল পালে বিন্দাচ শ্বেয়াৰ কৰিব পাৰে।

Mousumi Laluari Advocate, Dibrugarh,

 #Caffeine চাহ বা কফিত থাকে, আৰু যদি বেছি পৰিমাণে চাহ বা কফি খোৱা হয়, ই স্বাস্থ্যৰ বাবে ক্ষতি কাৰক হৈ পৰে । জুবিন দাক beer ত বেছি পৰিমাণে caffeine ( সৰু সৰু caffeine গুটি নতুবা caffeine ৰ পাউদাৰ) মিহলি কৰি দিয়া হৈছিল gin cocktail ৰ সৈতে বুলি কোৱা হৈছে, gin cocktail হৈচে এবিধ ভতকা/ মদেই হয় চদা মিহলি হৈ থাকে।

       আৰু #এনেদৰে মিহলি কৰি খোৱা টো স্বাস্থ্য ৰ কাৰণে বহুতো ক্ষতিকাৰক হয়, caffeine মিহলি মদ বা beer বেছি খালে, খোৱা মানুহ জন ৰ হঠাতে প্ৰেচাৰ বাঢ়ি যাব পাৰে, মূৰৰ বিষ, পেট চলা ডায়েৰিয়া হব পাৰে, কথা পাহৰি থকা, একো এটা decision লব নোৱাৰা অৱস্থা, হাৰ্ট বিট বাঢ়ি যায়, ষ্ট্ৰোক হোৱাৰ chance থাকে, মানে nervous system টো বেয়া কৰি দিয়ে।

        #সিদ্ধাৰ্থৰ লগতে য়ট ত থকা প্ৰবাসী কেইটাই জুবিন দা ৰ এই সমস্যা খিনি হওঁক বুলিয়েই , caffeine মিহলি gin cocktail (beer) খাবলৈ দিছিল জুবিন দাক। মুঠতে ১২ ঘণ্টাত তিনি বাৰ তেনে beer দিছে বুলি কৈছে  তাৰ মানে ৰাতিৰ সেই পাৰ্টি টো ৰ পৰা য়টত গৈ সাগৰত সাঁতোৰা লৈকে তিনি বাৰ caffeine মিহলি gin cocktail খাবলৈ দিছিল জুবিন দাক। 

      সিদ্ধাৰ্থ ৰ এই পৰিকল্পনা টো এদিনৰ নহয় সম্ভৱ, বহুত আগতেই এই কামটো কৰিম বুলি ভাবি থৈছিল, সেইকাৰণে বিষাক্ত beer যা যোগাৰ কৰি লৈ গৈছিল ছিংগাপুৰ লৈ।

       আৰু #সেইকাৰণে কিজানি জুবিন দাই, পানীত সাঁতুৰি থাকোঁতে, নিজৰ কি হৈছে একো গম পোৱা নাছিল, একো যেনিবা decision লব পৰা নাছিল তেনে দেখিছিল আনকি কাৰোবাক চিঞৰি ও যে মোৰ গা টো বেয়া লাগিছে, পানীৰ পৰা উঠো বুলি কবলৈও নোৱাৰিছিল।  

      #এনেবোৰ কাৰণতে  ২০১০ চনত  আমেৰিকা ত caffeine মিহলি gin cocktail (beer) একেবাৰে band (বন্ধ) কৰি দিয়া হৈছে।

       #যিটো বস্তু অইন দেশত বেণ্ড কৰি দিয়া হৈছে, তেনে এটা অখাদ্য (বিষ) বস্তু প্ৰস্তুত কৰি জুবিন দাক খাবলৈ দিয়া হৈছিল। সিদ্ধাৰ্থ ৰ উদ্দেশ্য মুঠতে যি কোনো প্ৰকাৰে জুবিন দা মৃত্যু মুখত পৰিব লাগে, নহলে আগ দিনা ৰাতি পাৰ্টি ৰ পৰা  সাগৰত সাঁতুৰা লৈকে, তিনি বাৰ caffeine মিহলি beer জুবিন দাক কেতিয়াও নিদিয়ে।

       এইবোৰ কথা শেখৰেও জানিছিল  কিজানি, সি মনে মনে সিদ্ধাৰ্থ ক চাপৰ্ট কৰি গল। সিদ্ধাৰ্থ ই কিজানি টকা ৰ বলত য়ট ত থকা সকলোকে কিনি লৈছিল, নহলে নো জুবিন দাই যেতিয়া কাহি আছিল, আইয়াহ বুলি কৈছিল, আৰু মুখৰ পৰা ও আ বুলি কষ্টৰ মাত দি আছিল, কোনোৱে কিয় গুৰুত্ব নিদিব? মুখৰ পৰা যেতিয়া বমি হৈছিল, কোনোৱে একো গুৰুত্ব ই নিদিলে আনকি video বনাই থকা অমৃত প্ৰভা, জয়শ্ৰী বা মতা মানুহ যি video কৰি ছিল কোনোৱে গুৰুত্ব নিদিলে। জুবিন দা ৰ খুৰাকৰ লৰা সন্দীপনো জুবিন দাক কোনো গুৰুত্ব ই নিদিলে।

Pre planned murder বুলি ধৰিব ই পাৰি। 

        সিহঁতি ইচ্ছা কৰা হলে জুবিন দাক বচাব পাৰিলে হেঁতেন, কিন্তু সিহঁতৰ উদ্দেশ্যই আছিল জুবিন দাক যি কোনো প্ৰকাৰে মৃত্যু মুখলৈ থেলি দিয়া। সেইকাৰণে সাতোৰুতেও, সৱে জুবিন দা ৰ পৰা আঁতৰি আঁতৰি আছিল।

        আৰু শ্যাম কানুৰ সহযোগত হে সাগৰত য়ট পাৰ্টি কৰিব লৈ গৈছিল, তাকো শ্মশান দ্বীপ এটা ৰ কাষত যত নেকি Covid ত মৃত্যু হোৱা লোকক কবৰ দিয়া হৈছিল, ভিন্ন সময়ত কলেৰা, কুষ্ঠ ত আক্ৰান্ত হৈ মৃত্যু হোৱা লোকক কবৰ দিয়া হয়, যিটো দ্বীপ কোৱাৰাইন্তাইন হিচাপে কলেৰা, কুষ্ঠ ৰোগীক ৰখা হয় আৰু , কুবিধ ৰোগীক সকলক ৰখা হৈছিল আৰু মৃত্যু হোৱাৰ পিছত তাতে কবৰ দিয়া হৈছিল। আৰু এই  সিদ্ধাৰ্থ, শ্যাম কানু মহন্ত, প্ৰবাসী কেইটাই তেনে এটা জেগাহে  বিচাৰি লৈছিল আৰু , আমাৰ হিয়াৰ আমুঠু জনক নি মাৰি পেলালে। 

   ইঁহতক কাঢ়া শাস্তি দিয়া টো আশা কৰোঁ।

Written by Mousumi Laluari 

Advocate, Dibrugarh,

(যদি ভাল লাগে share কৰি দিব, 

Copy যাতে নকৰে কোনোৱে)