জুবিন গাৰ্গ আৰু গৰিমা গাৰ্গৰ চৰিত্ৰত আঁচোৰ পৰা কোনো কথাই এতিয়া অসমবাসীয়ে শুনিবলৈ নিবিচাৰে। জুবিন গাৰ্গ নোহোৱা হোৱাৰ দুদিন পাছতেই গৰিমা শইকীয়া গাৰ্গৰ ওপৰত আৰু এতিয়া জুবিন গাৰ্গৰ ওপৰত এচামে উদ্দেশ্য প্ৰণোদিত ভাবে কিছুমান কথা প্ৰচাৰ কৰা যেন অনুভৱ হয়। এতিয়া নিজৰ পক্ষ ৰাখিবলৈ জুবিন গাৰ্গ জীৱিত অৱস্থাত আছেনে ? সেই কথা ক'ব নজনা লেবা গৰুজনীৰো এতিয়া মাত ওলাইছে। এজন ব্যক্তিৰ মৃত্যুৰ পাছত এনে কাম কৰাটো উচিত নহয়। জুবিন গাৰ্গৰ মৃত্যুৰ কেচটো এটা হাইপ্ৰফাইল কেচ। বিচাৰ প্ৰক্ৰিয়া চলি থকাৰ সময়ত গোপনীয় কথাবোৰ কেনেকৈ বাতৰি কাকতৰ হেডলাইন হ'ব পাৰিছে ? এইয়াও কাৰোবাৰ ষড়যন্ত্ৰ নেকি?
এটা কথা ঠিক, অসমৰ ৰাইজে সকলো কথা খুউব সূক্ষ্মভাৱে নিৰীক্ষণ কৰি আছে। জুবিন গাৰ্গৰ আত্মাৰ লগত ধেমালি নকৰাই ভাল। যিজন ব্যক্তিৰ মৃত্যুৰ পাছত এখন শ্মশান পবিত্ৰ তীৰ্থস্থানলৈ ৰূপান্তৰিত হৈছে সেইজন ব্যক্তি কোনো সাধাৰণ এলাপেচা লোক নহয়। কোনোবাই যদি ইচ্ছাকৃতভাৱে তেখেতৰ চৰিত্ৰহননত লাগিছে তেন্তে অসমৰ তিনি কৌটি এঘাৰ লাখ লোকৰ শাওপাতৰ পৰা তেওঁলোকৰ পৰিয়াল পৰ্য্যন্ত ৰক্ষা কৰিব নোৱাৰিব। এইয়া একদম চিধা কথা।
No comments:
Post a Comment