The Aura of ঈশ্বৰপুত্ৰ :
তাক মই ঈশ্বৰপুত্ৰ বুলিয়েই সম্বোধন কৰোঁ । তাৰ গান শুনিছিলোঁ কিন্তু সি মানুহটো কি মই বিশেষ গুৰুত্ব দিয়া নাছিলোঁ । তাৰ কণ্ঠৰ - অ’ পলাশ শিমলুটো মোৰ প্ৰিয় গীত ( যদিওঁ মুল গীতটো বৈকুণ্ঠ গগৈয়ে গাইছে ) ৷
কি আছিল সি ?
দৰাচলতে সি এক অমূল্য সম্পদ আছিল আমাৰ । মাত্ৰ আমি সময়ত তাক চিনিও চিনি নাপালোঁ । তাৰ সংগীতৰ জ্ঞানৰ গভীৰতাৰ বিষয়ে জানিবলৈ বাবু আৰু তাৰ মঞ্চৰ ধেমালিখিনিয়েই যথেষ্ট ৷ পেদেল মাৰি মাৰি গানটো বাবুৰ সৈতে একেলগে গাই হঠাতে সি ৰৈ দিছিল । বাবুক কৈছিল - এইখিনিত ৰৈ দে । Silence টো দৰকাৰী ।
নীৰৱতাকো সংগীতৰ লয়ত ব্যৱহাৰ কৰিব পৰাৰ দক্ষতাই কয় সি কিয় জুবিন গাৰ্গ ৷ ৰীতা বাইদেউৰ যাদুকৰী পডকাষ্টটোৰ বিষয়ে কিছুদিনৰ পিছত লিখিম । তাত থকা বাংময় নীৰৱতাখিনিক বুজিবলৈ মোক আৰু কিছু সময়ৰ প্ৰয়োজন হ’ব । আত্মোপলদ্ধি আৰু ভূমিৰ পৰা ভূমালৈ বৃহত্তৰ ৰূপত দেখা দিয়া এই জুবিন মোৰ বাবে অচিনাকি ।
" হেহ ! মানুহে বুজি নাপাব । " - সি কোৱাখিনিতে ৰৈ আছোঁ ।
এৰা , আমি বুজি নাপালোঁ।
জুবিনক লৈ দৰাচলতে অলেখ গৱেষণা হ’ব লাগিছিল । বৌদ্ধিক দৈন্যতাত আক্ৰান্ত অসমীয়া তথাকথিত বৌদ্ধিক সমাজে জুবিনক কোনোকালেই উপলব্ধি কৰিব নোৱাৰিলে । সহস্ৰ সাক্ষাৎকাৰেও জুবিনক স্বৰূপত ভাস্বৰ কৰিব নোৱাৰিলে । ব্যতিক্ৰম মাত্ৰ এই অন্তিম পডকাষ্টটো ।
মানুহৰ দৃষ্টিৰে অলৌকিক যেন কথাবোৰো বহু আগৰে পৰা হৈ আছিল । বিশাল প্ৰকৃতিত জুবিনৰ অৱস্থান কি আছিল ?
জুবিনৰ ফটোৰ আগত পৰি ৰোৱা কাছ ,কুকুৰ ,ঘোঁৰা , ষাঁড় ,কাউৰী ,বগলী ,বান্দৰ সকলোবোৰ কাকতালীয় নে ?
ইন্টাৰভিউ এটাত দেখিলো - বনৰীয়া বাঢ়ৈটোকা চৰাই এটাই জুবিনে হাত মেলি দিওঁতে হাতত আহি বহি লৈছিল। জুবিনে তাক বুকুত আলফুলে সাৱটি লৈ দুদিন লগত ৰাখিলে । ষ্টুডিঅ’ত বনৰীয়া অজগৰ এটা বগাই ফুৰিছিল তাৰ লগতে । ইন্টাৰভিউটো দিছিল শেখৰ গোস্বামী আৰু জুবিনৰ দীৰ্ঘদিনৰ সংগী বাদ্যযন্ত্ৰী ৰাজা দাই । মিছা হোৱাৰ সামান্যতমো অৱকাশ নাই । জীৱনৰ অন্তিম পডকাষ্টটোত তেওঁ কৈ গৈছে বাঘ এটা পুহি তেওঁ কিদৰে তাৰ লগত উমলি আছিল ।
এইখিনিৰ বাখ্যা কি দৰে কৰিম ?
জুবিনৰ aura টো কিমান শক্তিশালী আছিল যে তাৰ প্ৰভাৱত বনৰীয়া জীৱয়ো তেওঁৰ উচৰত বইচ হৈ দিয়ে ?
Aura বুলি ক’লে বহুতে তিৎকাৰি পাৰিব । গতিকে তাক আধুনিক বিজ্ঞানৰ ভাষাৰেই কওঁ - bioelecromagnetic field ৷ এই বায়’ ইলেক্ট্ৰ’মেগ্লেটিক ফীল্ডখনৰ ভিন্ন ৰঙৰ প্ৰতিফলনেই হ’ল Aura ৷ এই ৰঙৰ ধাৰণাটো এতিয়াও প্ৰমাণিত হোৱা নাই যদিও ইয়াৰ ওপৰত কিন্তু গৱেষণা চলি আছে ।
জীৱ জন্তুবোৰে এই BioElectromagnetic field খন অনুভৱ কৰিব পাৰে কাৰণ মানুহতকৈ ইহঁতৰ ষষ্ঠেন্দ্ৰিয় বহু বেছি শক্তিশালী ।
জুবিনৰ এই Bioelectromagnetic field খন অন্য সাধাৰণ দহজনকৈ বহু বেছি গুণ শক্তিশালী আৰু ধনাত্মক আছিল যে এই জীৱজন্তুবোৰে তেওঁৰ ওচৰত বইচ হৈ দিছিলহি । শেখৰে ইন্টাৰভিউটোত কৈছেই হয়টো দাদাৰ ভাইবটো ইমান বেছি পজিটিভ আছিল যে জীৱ জন্তু চৰাই চিৰিকতিয়েও তেওঁৰ ওচৰত আশ্বস্ত হৈছিলহি ।
এই বিষয়ে গৱেষণা কৰিবলৈ দাদা পাৰ্থিৱ শৰীৰটোৰেই বিনাশ ঘটিল । সহস্ৰ বৰ্ষত এনে ব্যক্তি এজনৰহে জন্ম হয় যাৰ মৃত্যুত প্ৰকৃতিও বেদনাত দগ্ধ হয় ।
সেয়ে তেওঁ ঈশ্বৰপুত্ৰ ।
নাম - জুবিন গাৰ্গ ।
No comments:
Post a Comment